PROGRAMA: Galicia Moza con ALMA. A túa oportunidade para o salto europeo

O programa Galicia Moza con ALMA é un programa de inclusión social da Consellería de Cultura, Lingua e Xuventude dirixido ás persoas mozas máis desfavorecidas que teñen dificultades para acceder ao traballo ou á formación por diversos motivos, tanto individuais como estruturais.

O obxectivo deste programa é outorgar ferramentas ás persoas mozas vulnerables inscritas no SNGX para que se integren na sociedade, accedendo a un emprego ou a unha formación.

Requisitos para participar

Comproba se cumples os requisitos para participar no programa Galicia Moza con ALMA:

• Ter feitos os 18 anos e non superar a idade máxima que estableza a normativa vixente do SNGX
• Estar empadroadas na Comunidade Autónoma de Galicia cunha antigüidade mínima dun ano
• Estar inscritas no SNGX e figurar como beneficiarias no ámbito da Comunidade Autónoma de Galicia

Situacións de vulnerabilidade

Atoparse nalgunha das seguintes situacións de vulnerabilidade (cumprir polo menos unha):

• Persoas mozas con baixo nivel formativo, que teñan a ESO ou o equivalente como máximo
• Persoas mozas desempregadas de longa duración (ao menos durante 12 meses)
• Estar empadroada nun concello rural (segundo a clasificación do Instituto Galego de Estatística; exclúense: Cambre, A Coruña, Culleredo, Ferrol, Narón, Oleiros, Santiago de Compostela, Lugo, Barbadás, Ourense, Poio, Pontevedra e Vigo)
• Persoas mozas en situación ou risco de exclusión social, conforme ao artigo 3.1 da Lei 10/2013, do 27 de novembro, de inclusión social de Galicia

Máis información

Se necesita máis información ou enviarnos documentos pode pórse en contacto con nós no email: formacion@valoresc.org

Formulario de inscrición

Acceder ao formulario